CENTRO SOCIO-CULTURAL E XUVENIL “CASA DO ALEMÁN DE CAMELLE”

Camariñas |  Galicia Spain

Status     Competition 2004

Client      Concello de Camariñas

Value       Undisclosed

A intrigante vida de Manfred Gnadinger -Man-, serviunos como referente á hora de proxectar o seu museo-memorial. A súa dobre identidade, como foráneo e lugariño, así como o seu carácter reservado e intimista, levounos a concibir un edificio vencellado ao recollemento, austero e mesmo hermético na súa presenza externa mais denso e emocional nas súas entrañas. Será un edificio sorpresivo no seu interior: a escavación nas rochas –coas súas texturas pétreas modeladas pola luz deslizándose entre os sólidos agretados- e a severidade primitiva canto a materiais e construcción derivarán nunhas estancias producto do baleirado do pétreo e da luz, o ambiente natural para conservar a memoria do home de Camelle.                                              

É así que propoñemos catro abstractas rochas onde se tallarán os espazos do edificio, como as que rodeaban a Man na súa guarida atlántica, catro elementos varados fronte á ensinada de Camelle. As fendas entre elas  tornan-se entradas de luz aproveitando os interstizos que xorden na súa natural agrupazón para dispor as circulacións que liguen o programa do conxunto. Esta estratexia tectónica permítenos afastarnos do concepto de edificio monolítico para propor, en torna, unha volumetría fragmentada, quebrada, adaptándose –na súa escala- ás construccións aledaras de carácter doméstico que configuran o fronte marítimo da vila.